Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Heitavatnslaust - mánudaginn 17. ágúst

13082015 bb 021Mánudaginn 17. ágúst nk. verður lokað fyrir heita vatnið á öllu veitusvæði hitaveitunnar, nema í Fellabæ, frá kl. 13.00 og fram á kvöld. Ástæða lokunarinnar er tengivinna á stofnlögn hitaveitunnar við Gálgaklett, á Egilsstöðum.

Gætið þess að neysluvatnskranar séu örugglega lokaðir (best er að loka fyrir neysluvatnið í tengigrind hitaveitunnar, eða á stofnloka). Munið að slökkva á dælubúnaði hitaveitunnar, t.a.m. gólfhitakerfi. Opnið lokana gætilega eftir að vatni hefur verið hleypt á lögnina að nýju, búast má við þrýstisveiflum og lofti í lögnum fram á kvöld.

Vegna þessara framkvæmda verður sundlaugin á Egilsstöðum lokuð frá kl. 13.00 og á meðan framkvæmdir standa yfir.

Beðist er velvirðingar á þeim óþægindum sem lokunin kann að hafa.

Starfsfólk Hitaveitu Egilsstaða og Fella.

Heilræði

Hávaði í ofnlokum stafar af óstilltu hitakerfi.

Æskilegur bakrásarhiti að sumarlagi er ekki hærri en 22-25°C.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Óstillt hitakerfi veldur hækkun á hitakostnaði.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Það er eðlilegt að ofnar séu kaldir ef mikill ókeypis varmi er í herberginu.

Breyta þarf stillingum vatnshitastýrðra ofnloka eftir því sem útihiti breytist.

Forðast skal að loka af hitanema með húsgögnum eða gluggatjöldum.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Það er eðlilegt að lofta út í 10-15 mín. eftir böð, eldamennsku og á morgnana.

Nauðsynlegt er að íbúar geti stjórnað innihita eftir óskum um kjörhita.

Æskilegur bakrásarhiti að vetrarlagi er ekki hærri en 30-35°C.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Ef hitakerfi er jafnvægisstillt veitir það þægindi og vellíðan.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Látið fagmann um að stilla ofnakerfið.