Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Framkvæmdir við stofnlög við Gálgaás

Tengingum lokið á stofnlögn hitaveitunnar á Egilsstaðanesi og í göngustíg við Gálgaklett.

Stofnlogn galgaklettur siggi broddi halldor12 manns komu að tengivinnu á stofnlögn hitaveitunnar, og þeim viðgerðum sem fóru fram samhliða þeirri vinnu. Undirbúningur hófst kl. 08:00 á mánudagsmorgun 17. ágúst og kl. 13:00  var lokað fyrir heita vatnið,  unnu menn sleitulaust við framkvæmdina til kl að verða kl: 20:00 um kvöldið.

Verkið gekk  hratt og örugglega, framar björtustu vonum, og vil  HEF af því tilefni þakka starfsmönnum verktakafyrtækisins Yl, suðumönnum frá Stálsuðu og Suðuboganum, Ársverki, verkfræðistofunni EFLU og sínum eigin starfsmönnum frábæran starfsdag.  Við þessa tengingu bættust við um 1.500 metrar af nýrri stofnlögn um Egilsstaðanes. Einnig verður nú með þessu kominn göngustígur upp á milli Gálgakletts og Menntaskóla upp Tjarnarbraut sem verður að teljast mikil lyftistöng fyrir samgöngur hjólandi og gangandi vegfarenda á Héraði.

Við endurnýjun stofnlagna hefur verið unnið markvist á undanförnum árum, enda eru þær lagnir sem fyrir voru lagðar um kringum 1979 og því vel komnar til ára sinna. Með nýlögninni yfir Egilsstaðanes er flutningsgetan orðin meiri og er mögulegt að keyra á bæði nýju lögninni og þeirri gömlu yfir nesið. Hægt verður nú að laga þá leka sem þarf að laga á gömlu lögninni án þess að rjúfa vatn.

Samhliða tengingu á stofnlögnini var unnið að lagfæringu á stórum leka sem hafði komið upp við Tjarnarbraut, hjá Hettunni. Þar var lögnum breytt og því verður hægt að afleggja brunn sem fyrir var og viðhaldsfrekur.

HEF þakkar einnig notendum fyrir góðan skilning á þessum framkvæmdum

Heilræði

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Hávaði í ofnlokum stafar af óstilltu hitakerfi.

Óstillt hitakerfi veldur hækkun á hitakostnaði.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Það er eðlilegt að ofnar séu kaldir ef mikill ókeypis varmi er í herberginu.

Æskilegur bakrásarhiti að vetrarlagi er ekki hærri en 30-35°C.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Breyta þarf stillingum vatnshitastýrðra ofnloka eftir því sem útihiti breytist.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Það er eðlilegt að lofta út í 10-15 mín. eftir böð, eldamennsku og á morgnana.

Æskilegur bakrásarhiti að sumarlagi er ekki hærri en 22-25°C.

Nauðsynlegt er að íbúar geti stjórnað innihita eftir óskum um kjörhita.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Látið fagmann um að stilla ofnakerfið.

Ef hitakerfi er jafnvægisstillt veitir það þægindi og vellíðan.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Forðast skal að loka af hitanema með húsgögnum eða gluggatjöldum.