Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Ný Heimasíða

logo  logoNú er komin í loftið ný og betrumbætt heimasíða HEF. Þar má nú finna eyðublöð fyrir heimaæðatengingar sem hægt er að fylla út og senda beint af vefnum, álestrareyðublöð sem og tilkynningu um notendaskipti. Einnig er hægt að leita sér upplýsinga um efnasamsetningu á bæði heitu og köldu vatni.

 

Unnið er að því að setja upp "lifandi tölur", það er hitastig á Tjarnarbraut og rauntölur úr dreifikerfi hitaveitu og vatnsveitu. Stefnt er að því að síðan verði notuð sem upplýsingamiðill varðandi stöðu verka hjá HEF og settar verða inn tilkynningar um lokanir eða bilanir í kerfi.

Uppsetningu síðunnar annaðist Austurnet á Egilsstöðum.

Heilræði

Ef hitakerfi er jafnvægisstillt veitir það þægindi og vellíðan.

Það er eðlilegt að ofnar séu kaldir ef mikill ókeypis varmi er í herberginu.

Æskilegur bakrásarhiti að vetrarlagi er ekki hærri en 30-35°C.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Það er eðlilegt að lofta út í 10-15 mín. eftir böð, eldamennsku og á morgnana.

Óstillt hitakerfi veldur hækkun á hitakostnaði.

Nauðsynlegt er að íbúar geti stjórnað innihita eftir óskum um kjörhita.

Breyta þarf stillingum vatnshitastýrðra ofnloka eftir því sem útihiti breytist.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Forðast skal að loka af hitanema með húsgögnum eða gluggatjöldum.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Æskilegur bakrásarhiti að sumarlagi er ekki hærri en 22-25°C.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Látið fagmann um að stilla ofnakerfið.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Hávaði í ofnlokum stafar af óstilltu hitakerfi.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.