Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Framkvæmdir

01092017 015 edited

 

Undanfarnar vikur hefur verið mikið um framkvæmdir hjá hitaveitunni. Allar lagnir í Fénaðarklöpp frá Kaupvangi að Vallavegi hafa verið endurnýjaðar.

Nú stendur yfir endurnýjun á hitaveitulögn að Urriðavatnsbæjum ásamt því að leggja ljósleiðaralögn. Áætluð verklok eru um miðjan september.

Veðurblíða

Lagarfljót

 

 

Eins og meðfylgjandi myndir bera með sér, sem teknar voru í veðurblíðunni í gærmorgun, þá er varla von á því að heitavatnssala eigi sér stað.

Lesa meira.....

Urriðavatnssund 2017

urridav2016Urriðavatnssund 2017 fer fram laugardaginn 29. júlí 2017. 

Að venju verður rásmark og endamark í víkinni við Hitaveitutangann og HEF mun leggja þessu verkefni lið á margvíslegan hátt eins og verið hefur undafarin ár.

Skráning fer fram á www.urridavatnssund.is og hófst skráning 20. maí sl. Strax á fyrstu tveim dögunum komu inn 80 skráningar og nokkrar bætast við á hverjum degi.

 

 

Syntar verða 3 vegalengdir:

  • 2500 m
  • 1250 m
  • 400 m

Bendum áhugasömum á að skrá sig sem fyrst. 

Ef einhverjir vilja leggja verkefninu lið með vinnu eða á anna hátt, endilega hafið samband við undirbúningshópinn. Allar upplýsingar er að finna á heimasíðu sundsins.

HEF - Framúrskarandi fyrirtæki 2016

 

Framúrskarandi fyrirtæki 2016Í síðustu viku tók Guðmundur Davíðsson, framkvæmdatstjóri, við viðurkenningu frá Creditinfo, þar sem HEF var útnefnt framúrskarandi fyrirtæki fyrir árið 2016. Í ár fengu 624 fyrirtæki viðurkenningu, um 1,7% allra skráðra fyrirtækja á Íslandi.

 

Hvað gerir fyrirtæki framúrskarandi?

 

  • Er í lánshæfisflokki 1-3
  • Rekstrarhagnaður (EBIT) og ársniðurstaða jákvæð þrjú ár í röð
  • Eiginfjárhlutfall 20% eða meira þrjú rekstrarár í röð
  • Eignir hafa numið 80 milljónum eða meira þrjú ár í röð
  • Framkvæmdastjóri er skráður í hlutafélagaskrá
  • Fyrirtækið er virkt samkvæmt skilgreiningu Creditinfo
  • Skilað ársreikningi fyrir 1. september 2016

Ylströnd við Urriðavatn verður að veruleika !

í gær, 16. janúar, voru undirritaðir samningar um uppbyggingu og fjármögnun Ylstrandar við Urriðavatn. Þar verður nýtt hreinasta vatn Íslands til að bjóða upp á vandaða upplifun á íslenskri náttúru. Í júní 2013 fékk HEF vottun á hitaveitu vatnið, sem þýðir að það stenst kröfur sem neysluvatn til drykkjar og matvælagerðar, m.a. hefur MS, á undanförnum árum, notað hitaveitu vatnið beint til íblöndunar við ostagerð sína.

Stefnt er að opnun Ylstrandar á árinu 2019, en vinna við hönnun er í fullum gangi.

Stærsti hluthafi félagsins eru Jarðböðin Mývatnssveit ehf., en aðrir hluthafar eru einstaklingar og fyrirtæki á Austurlandi. Verkefnið er að fullu fjármagnað og gera áætlanir ráð fyrir heildarfjárfestingu uppá um 500 milljónir króna.

 

 

20170115 Ylströnd undirritun samninga
Starfsfólk og stjórn HEF óskar Ylströndinni velfarnaðar á komandi tímum

Urriðavatnssundið 2015

Urridavatnssunsd2015 ras

Urriðavatnssund fór fram síðastliðin laugardag 25.júli. 54 sundmenn lögðust til sunds í köldu vatninu og stóðu sig framar vonum miðað við hitastig vatns. Tveir aðillar syntu skemmtisund 400 m. en hinir þreyttu hið svokallaða Landvættasund.
Fyrstur karla tiil að klára sundið var Oddur Kristjánsson á 34 mínútum og fyrst kvenna var Sigfríð Einarsdóttir á 36,58 mínútum.

Heimamaðurinn Eiríkur Stefán synti sitt sjötta Urrðavatnssund, en hann er að sjálfsögðu upphafsmaður þessa sunds.

Elsti þáttakandi sundsins var Hjálmar Jóelsson 74. ára gamal. Þvílíkur nagli !

Nánar má lesa um sundið á : http://www.urridavatnssund.is/

Urriðavatnssund 2015

Urriðavatnssund 2015 verður haldið Laugardaginn 25 júlí næstkomandi í Urriðavatni.

Nú þegar eru skráðir tæplega 60 Þátttakendur og lýkur skráningu laugardaginn 17. júlí. 

í boði eru 3 sundleiðir þ.e. 2500 m, 1250 m og 400 m. 2500 metra sundið er partur af landvætta röðinni sem og Álkarlinum sem er nýtt og spennandi verkefni á vegum ÚÍA. Eins er í boði að synda 1250 metrana og þá eru þátttakendur gjaldgengnir í hálfkarlinn sem er samhliða Álkarlinunm.

Sundið verður ræst að morgni Laugardagsins 25. júlí út frá virkjanasvæði Hitaveitu Egilsstaða og Fella og eru Austfirðingar hvattir til að skrá sig til þáttöku eða þá koma bara og fylgjast með sundinu og hvetja keppendur áfram.

Sundleidir2015

 

- Þess má geta til gamans að nú þegar þessi frétt er rituð að morgni 14. júlí þá er hitastig vatns 10,5 gráður.- 

Tengidagur 3. júlí

Eins og notendur urðu varir við síðastliðin föstudag, þann 3. júlí þá var heitt vatn tekið af kl 13:00 þann dag.

Var það gert aðalega vegna tengingar á T-stykki fyrir nýja stofnlögn inná núverandi stofnlögn á Egilsstaðanesi.

Jafnframt var unnið að viðgerð á lögn milli vatnstanks Valgerðarstaðarási og kyndistöðvar ,sem var farinn að leka,

Tengihola EgsNes 2015

 

og breytingum á lögnum við dælur í kyndistöð. Allt gekk þetta mjög vel og var vatn komið á í Fellabæ uppúr kl 18 en á Egilsstöðum um kl. 20.

þrýstingur komst svo á í dreifiveitum á völlum og Eiðaþinghá um kl 21.

Við þetta stopp á kerfinu þá fara af stað óhreinindi sem verða til í pípunum þegar það er keyrt upp aftur og skilar það sér í krana hjá notendum. Því urðu margir varir við óhreint vatn fyrsta klukkutíman eftir að vatn komst á.

 

Nú verður lögn sem sett verður í vestur kant vegar yfir Egilsstaðanes grafin niður og er það verk þegar hafið og vegfarendur um nesið beðnir að sýna verktökum tillitsemi. Þeir vinna þarna við þröngar aðstæður. Eins og vegfarendur hafa tekið eftir hefur vegurinn um nesið verið grafinn í sundur sunnan við Lagarfljótsbrú til að koma í gegnum hann rörum fyrir bæði heitt vatn og kalt og verður nú á komandi vikum vegur yfir nesið þveraður aftur við rétt norðan við brennustæðið niður undir Gálgakletti. Vegur verður þó þveraður að kvöldi til og ættu því sem fæstir að verða varir við þá framkvæmd. 

Ekki mun þrufa að taka af vatn við tengingar á þeirri lögn sem sett er niður í vestur kant vegar þar sem búið er að tengja við loka inn á núverandi stofnlögn.

Framkvæmdir sumar 2015

Stofnlogn nes15

Nú er að fara af stað enn eitt framkvæmdasumar HEF.

Lögð verður ný hitaveitulögn yfir Egilsstaðanes sem og verður klárað að endurnýja hitaveitulögn að Tjarnarbraut

og lagning göngustígs undir Gálgakletti.

Ylur ehf voru með lægsta tilboð í þessi verk hvort fyrir sig og munu nú á næstu vikum fara að hefja framkvæmdir.

Framkvæmdasvæðin eru tvö. Fyrst ber að nefna stofnlögn yfir Egilsstaðanes. Lögn verður grafin í vegöxl vestari kants vegar,

þjóðvegur 1 um Egilsstaðanes verður því þveraður tvívegis í verkinu. Vegur verður þveraður við Ferjulag annarsvegar og við innkeyrslu á tún Egilsstaðabænda neðan við Menntaskólabrekku. Gerðar verða hjáleiðir sem umferð verður beint um á meðan vegur verður lokaður, en vonast er til að hvor þverun gangi að sjálfsögðu sem hraðast fyrir sig. Samhliða hitaveitulögn verður lögð ný stofnlögn vatnsveitu fyrir Fellabæ. HEF biður þá sem aka um Egilsstaðanes að sýna verktökum sem þar vinna tillitsemi meðan verki stendur.

Yfirlitsmynd Egilsstaðanes

Seinna framkvæmdarsvæði verður utan við Gálgaklett. Þar verður klárað að gera gögnustíg uppí Tjarnarbraut. í stígnum verður ný lögn sem liggur uppí dæluhús HEF við Tjarnarbraut.

Yfirlitsmynd Gálgaklett

 

Fellabær

Framkvæmdir verða líka í Fellabæ nú í sumarbyrjun. Endurnýjuð verður stofn í Lagarfelli og lögð verður regnvatnslögn í götu. Það verður gert nú í júní byrjun og verður unnið af Austurverk ehf áður en lagt verður ný klæðning á hluta Lagarfells. Má því búast við að Lagarfell lokist tímabundið frá gatnamótum við innkeyrslu Olís og uppað Lagarfelli 10. Íbúar í Fellabæ eru beðnir að hafa það í huga og mæta því með góðum skilning. 

Námskeið

Samsetning og frágangur á einangrun hitaveituröra 

Samsuða á PE plaströrum


lognamNámskeið haldið á vegum Sets, Hitaveitu Egilsstaða og Fella og Samorku  fór fram á Egilsstöðum dagana 11. og 12. maí.

Leiðbeinendur frá Set, röraverksmiðju á selfossi, komu og kynntu þátttakendum fyrir meðhöndlun og vinnubrögðum við samsetningar á kápum og viðgerðar á skemmdum hitaveiturörum sem og fengu þátttakendur kennslu í samsuðu PE plastlagna fyrir vatnsveitu. Þátttaka var góð á námskeið og sóttu námskeiðið starfsmenn frá verktökum á svæðinu ásamt starfsmönnum HEF og frá verkfræðistofunni EFLU.

Set Nmskei

 

Heilræði

Æskilegur bakrásarhiti að vetrarlagi er ekki hærri en 30-35°C.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Breyta þarf stillingum vatnshitastýrðra ofnloka eftir því sem útihiti breytist.

Það er eðlilegt að ofnar séu kaldir ef mikill ókeypis varmi er í herberginu.

Forðast skal að loka af hitanema með húsgögnum eða gluggatjöldum.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Ef hitakerfi er jafnvægisstillt veitir það þægindi og vellíðan.

Æskilegur bakrásarhiti að sumarlagi er ekki hærri en 22-25°C.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Nauðsynlegt er að íbúar geti stjórnað innihita eftir óskum um kjörhita.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Látið fagmann um að stilla ofnakerfið.

Hávaði í ofnlokum stafar af óstilltu hitakerfi.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Það er eðlilegt að lofta út í 10-15 mín. eftir böð, eldamennsku og á morgnana.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Óstillt hitakerfi veldur hækkun á hitakostnaði.