Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Eiðaþinghárveita

Óskað var eftir tilboðum vegna lagningar 1. áfanga Eiðaþinghárveitu. Tilboð bárust frá tveimur verktökum, frá Yl ehf. annarsvegar sem hljóðaði uppá 99% kostnaðaráætlunar og hinsvegar frá Jónsmönnum sem var uppá 90 % kostnaðaráætlunar. Samþykkt var á 150. stjórnarfundi HEF að ganga til samninga við Jónsmenn. Um er að ræða lögn frá Randabergi og langleiðina að afleggjara að Fossgerði. Áætluð verklok er 15. júní 2013.

 Helstu magntölur eru :

Gröfur -                              1.060 mEiaingrveita yfirlitsmynd ltil

Losun á klöpp -                      150 m

Þverun gatna -                          6 m

Kaldavatns lögn 63mm PEH -1.060 m

HItaveitulögn 50 mm stál -   1.060 m

Gagnaveita og stýristrengur

Heilræði

Forðast skal að loka af hitanema með húsgögnum eða gluggatjöldum.

Æskilegur bakrásarhiti að vetrarlagi er ekki hærri en 30-35°C.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Breyta þarf stillingum vatnshitastýrðra ofnloka eftir því sem útihiti breytist.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Það er eðlilegt að lofta út í 10-15 mín. eftir böð, eldamennsku og á morgnana.

Óstillt hitakerfi veldur hækkun á hitakostnaði.

Hávaði í ofnlokum stafar af óstilltu hitakerfi.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Ef hitakerfi er jafnvægisstillt veitir það þægindi og vellíðan.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Æskilegur bakrásarhiti að sumarlagi er ekki hærri en 22-25°C.

Látið fagmann um að stilla ofnakerfið.

Nauðsynlegt er að íbúar geti stjórnað innihita eftir óskum um kjörhita.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Það er eðlilegt að ofnar séu kaldir ef mikill ókeypis varmi er í herberginu.