Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Borhola UV-10

29092017 059 editedSkipt hefur verið um dælu, hraðabreyti og mótor á borholu UV-10 en hún er afkastamesta borholan okkar. Dælan hefur verið prufukeyrð með mjög góðum árangri. Núna hefst vinna í að fínstilla hana og munum við hefja notkun hennar nú í október. 

Nýja dælan er keyrð á 300hp mótor og full afkastageta hennar er um 110-120 sekúndu lítrar en mun að jafnaði verða keyrð á 70% - 75% afkastagetu.

 

Endunýjun lagna Tjarnarbraut 2016

Tjarnarbraut yfirlitsmynd

 Hægt er að smella á mynd til að skoða betur.

Hitaveita Egilsstaða og Fella hyggst endurnýja veitulagnir meðfram hluta Tjarnarbrautar. Lagðar verða nýjar fráveitulagnir, regnvatnslagnir og lagnir fyrir heitt og kalt vatn. Samið hefur verið við verktakafyrirtækið Austurverk um að annast framkvæmdina ásamt starfsmönnum HEF.
Verktími er Október og Nóvember. Í Verkinu þarf að grafa skurð meðfram Tjarnarbraut að austanverðu og þvera Tjarnarbraut á fimm stöðum.

Töluverð röskun verður á umferð um Tjarnarbraut á framkvæmdatímanum en reynt verður eftir fremsta megni að lágmarka þann tíma sem Tjarnarbraut verður lokuð. HEF mun sjá til þess að ávallt verði fært fyrir gangandi vegfarendur meðfram Tjarnarbraut.

Beðist er velvirðingar á þeim óþægindum sem vegfarendur verða fyrir á framkvæmdatímanum.

Reikningar uppgjörsálesturs

Nú í lok nóvember mánaðar var lesið af hitaveitumælum og er sá álestur notaður til uppgjörs við að stemma af þær áætlanir sem hafa verið gerðar fyrir hverja veitu.

þannig hafa notendur fengið raun notkun sína leiðrétta fyrir árið ýmist með inneignarmyndun eða uppgjörsreikning. Það hefur verið áberandi að notendur hafa verið að fá öllu hærri reikning en þeir hafa fengið af jafnaði þar sem álestur hefur sagt okkur það að notkunin hefur verið meiri, sem einnig sést hefur á rennslistölum frá Urriðavatni.

Árið sem nú líður undir lok hefur þó farið í okkur á þessum landshelming þannig að ekki hefur verið tilefni að kalla hann sumar þennan ársfjórðung sem stóð frá maí framundir ágúst.

sést það best á þeim tölum sem teknar eru úr veðurmælingarstöð HEF við Tjarnarbraut. Ársmeðalhiti er um 3,7 gráður og er hann lægri í maí til að mynda en undanfarin ár.

 

  2012 2013 2014 2015
Janúar 0,3 1,7 2,2 -1,6
Febrúar 2,7 2,5 0,0 -0,3
Mars 3,2 -1,5 1,1 1,0
Apríl 0,9 -0,7 4,1 2,6
Maí 4,9 4,9 5,9 3,4
Júní 7,7 11,1 11,4 7,5
Júlí 10,7 10,7 12,7 7,7
Ágúst 11,2 10,5 9,8 9,9
September 6,3 6,5 10,0 9,7
Októberber 2,1 3,1 3,3 5,3
Nóvember -0,5 0,3 4,1 0,7
Desember -1,8 -2,2 -1,4 -2,0
Samtals 4,0 3,9 5,3 3,7

Meðalhiti frá veðurstöð við Tjarnarbraut

ÚTBOÐ Göngustígs og stofnlagnar Í Fellabæ

Hitaveitunni bárust 4 tilboð í lagningu gögnustígs og stofnlagnar í Fellabæ. Lægsta tilboð barst frá Austurverk ehf. 87% af kostnaðaráætlun og var það samþykkt á fundi stjórnar HEF að ræða við fyrirtækið. Önnur boð bárust frá MSV, Yl ehf. og Þ.S verktökum og var hæsta boð 115 % af kostnaðaráætlun.

HEF er þakklát þessum góða áhuga sem verkinu var sýnt af verktökum á svæðinu.

Gongust og stofnlogn Fellabae yfirlitsmynd

 Smellið á mynd til að sjá stóra. 

Helstu stærðir í verkinu eru: 

Göngustígur   2.280  m3
Vatnslagnir      
180 mm   750  m
110 mm   200  m
63 mm   50  m
Hitaveita      
300 mm   760  m
100 mm   40  m
20-32 mm   70  m
 Gagnaveita      
25-40 mm   900 m

 

 

Heilræði

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Breyta þarf stillingum vatnshitastýrðra ofnloka eftir því sem útihiti breytist.

Ef hitakerfi er jafnvægisstillt veitir það þægindi og vellíðan.

Óstillt hitakerfi veldur hækkun á hitakostnaði.

Það er eðlilegt að lofta út í 10-15 mín. eftir böð, eldamennsku og á morgnana.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Látið fagmann um að stilla ofnakerfið.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Æskilegur bakrásarhiti að vetrarlagi er ekki hærri en 30-35°C.

Æskilegur bakrásarhiti að sumarlagi er ekki hærri en 22-25°C.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Forðast skal að loka af hitanema með húsgögnum eða gluggatjöldum.

Nauðsynlegt er að íbúar geti stjórnað innihita eftir óskum um kjörhita.

Hávaði í ofnlokum stafar af óstilltu hitakerfi.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Það er eðlilegt að ofnar séu kaldir ef mikill ókeypis varmi er í herberginu.