Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Reikningar uppgjörsálesturs

Nú í lok nóvember mánaðar var lesið af hitaveitumælum og er sá álestur notaður til uppgjörs við að stemma af þær áætlanir sem hafa verið gerðar fyrir hverja veitu.

þannig hafa notendur fengið raun notkun sína leiðrétta fyrir árið ýmist með inneignarmyndun eða uppgjörsreikning. Það hefur verið áberandi að notendur hafa verið að fá öllu hærri reikning en þeir hafa fengið af jafnaði þar sem álestur hefur sagt okkur það að notkunin hefur verið meiri, sem einnig sést hefur á rennslistölum frá Urriðavatni.

Árið sem nú líður undir lok hefur þó farið í okkur á þessum landshelming þannig að ekki hefur verið tilefni að kalla hann sumar þennan ársfjórðung sem stóð frá maí framundir ágúst.

sést það best á þeim tölum sem teknar eru úr veðurmælingarstöð HEF við Tjarnarbraut. Ársmeðalhiti er um 3,7 gráður og er hann lægri í maí til að mynda en undanfarin ár.

 

  2012 2013 2014 2015
Janúar 0,3 1,7 2,2 -1,6
Febrúar 2,7 2,5 0,0 -0,3
Mars 3,2 -1,5 1,1 1,0
Apríl 0,9 -0,7 4,1 2,6
Maí 4,9 4,9 5,9 3,4
Júní 7,7 11,1 11,4 7,5
Júlí 10,7 10,7 12,7 7,7
Ágúst 11,2 10,5 9,8 9,9
September 6,3 6,5 10,0 9,7
Októberber 2,1 3,1 3,3 5,3
Nóvember -0,5 0,3 4,1 0,7
Desember -1,8 -2,2 -1,4 -2,0
Samtals 4,0 3,9 5,3 3,7

Meðalhiti frá veðurstöð við Tjarnarbraut

ÚTBOÐ Göngustígs og stofnlagnar Í Fellabæ

Hitaveitunni bárust 4 tilboð í lagningu gögnustígs og stofnlagnar í Fellabæ. Lægsta tilboð barst frá Austurverk ehf. 87% af kostnaðaráætlun og var það samþykkt á fundi stjórnar HEF að ræða við fyrirtækið. Önnur boð bárust frá MSV, Yl ehf. og Þ.S verktökum og var hæsta boð 115 % af kostnaðaráætlun.

HEF er þakklát þessum góða áhuga sem verkinu var sýnt af verktökum á svæðinu.

Gongust og stofnlogn Fellabae yfirlitsmynd

 Smellið á mynd til að sjá stóra. 

Helstu stærðir í verkinu eru: 

Göngustígur   2.280  m3
Vatnslagnir      
180 mm   750  m
110 mm   200  m
63 mm   50  m
Hitaveita      
300 mm   760  m
100 mm   40  m
20-32 mm   70  m
 Gagnaveita      
25-40 mm   900 m

 

 

Finnsstaðaveita

Finnstaðaveita HH 2013-11-20 10.18.34-1Vinna við tengingar inn í hús á Finnsstaðatorfunni stendur nú yfir, niðurlögn á pípum hefur gengið vel miðað við tíðarfar og standa vonir til þess að hægt verði að hleypa á vatni í lok vikunnar eða byrjun næstu. Um gröft og niðurlögn sjá Jónsmenn ehf.

Að tengingum loknum

Broddi stofnlognEins og flestir íbúar á veitusvæði HEF urðu varir við var heitt vatn tekið af dreifikerfinu nú á síðastliðin laugardag 21. september.

Aðgerð sú gekk vel fyrir sig og var stofnlögn yfir Lagarfljótsbrú endurnýjuð ásamt 320 metra kafla meðfram Egilsstaðanesi og upp brekku neðan við Gálgaás. Við aðgerðinna unnu tvö teymi suðumanna við að skipta út þessum köflum með hjálp verktaka.

 

Eftir svona aðgerð þar sem þrýstingur á kerfi er tekin af dreifikerfi og keyrður upp aftur má búast við að óhreinindi innan í lögnum fari af stað og skili sér inní síur sem eru í inntaksgrind heimahúsa.

Verði notendur varir við minnkandi þrýsting á heimiliskerfum sínum er bent á að athuga þessar síur hvort nokkuð sé þar í. Eins er gott ráð að tæma loft af ofnakerfum.

Verði fólk vart við uppstreymi á heitu vatni í nær umhverfi sínu er það beðið um að hafa samband við starfsfólk HEF í síma 470-0787 eða senda tilkynningu á Þetta netfang er varið fyrir ruslpósti. Þú þarft að virkja Javascript til að sjá það..  

Heilræði

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Það er eðlilegt að ofnar séu kaldir ef mikill ókeypis varmi er í herberginu.

Æskilegur bakrásarhiti að vetrarlagi er ekki hærri en 30-35°C.

Breyta þarf stillingum vatnshitastýrðra ofnloka eftir því sem útihiti breytist.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Ef hitakerfi er jafnvægisstillt veitir það þægindi og vellíðan.

Forðast skal að loka af hitanema með húsgögnum eða gluggatjöldum.

Óstillt hitakerfi veldur hækkun á hitakostnaði.

Hávaði í ofnlokum stafar af óstilltu hitakerfi.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Látið fagmann um að stilla ofnakerfið.

Það er eðlilegt að lofta út í 10-15 mín. eftir böð, eldamennsku og á morgnana.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Æskilegur bakrásarhiti að sumarlagi er ekki hærri en 22-25°C.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Nauðsynlegt er að íbúar geti stjórnað innihita eftir óskum um kjörhita.