Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Lánasamningar við Íslandsbanka

Islandsb HEF Lanasamningar-des2013Hitaveita Egilsstaða og Fella ehf. skrifaði í liðinni viku undir samning við Íslandsbanka um fjármögnun á fjárfestingum sem ná til ársins 2013 og 2014.

Hitaveitan hefur undanfarin ár boðið út fjármögnun fjárfestinga sinna og náð með því mjög hagstæðum lánskjörum.

Í útboðinu að þessu sinni tóku Íslandsbanki, Arion banki og Sparisjóður Norðfjarðar þátt. Öll fyrirtæki buðu góð kjör og voru sér til sóma. Stjórn HEF ákvað að ganga til samninga við Íslandsbanka sem að endingu var með hagstæðustu kjörin.

Öll vinna og gögn HEF varðandi fjármál, fjármögnun og rekstur eru að mati Íslandsbanka til mikillar fyrirmyndar og hefur það meðal annars áhrif á hve góð kjör fyrirtækinu hafa boðist. 

 

Á myndinni eru Björn Ingimarsson bæjarstjóri, Þorvaldur P. Hjarðar stjórnarformaður HEF, Vordís S. Jónsdóttir lánastjóri, Guðlaugur Sæbjörnsson fjármálastjóri Fljótsdalshéraðs, Guðmundur Davíðsson hitaveitustjóri og Gunnar Vignisson útibússtjóri íslandsbanka Austurlandi, en þau komu öll að gerð og frágangi mála vegna fjármögnunarinnar.

Heilræði

Óstillt hitakerfi veldur hækkun á hitakostnaði.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Það er eðlilegt að ofnar séu kaldir ef mikill ókeypis varmi er í herberginu.

Það er eðlilegt að lofta út í 10-15 mín. eftir böð, eldamennsku og á morgnana.

Ef hitakerfi er jafnvægisstillt veitir það þægindi og vellíðan.

Nauðsynlegt er að íbúar geti stjórnað innihita eftir óskum um kjörhita.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Breyta þarf stillingum vatnshitastýrðra ofnloka eftir því sem útihiti breytist.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Látið fagmann um að stilla ofnakerfið.

Æskilegur bakrásarhiti að sumarlagi er ekki hærri en 22-25°C.

Forðast skal að loka af hitanema með húsgögnum eða gluggatjöldum.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Hávaði í ofnlokum stafar af óstilltu hitakerfi.

Æskilegur bakrásarhiti að vetrarlagi er ekki hærri en 30-35°C.