Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Starfsleyfi fyrir Köldukvíslarveitu

Í dag gaf Heilbrigðiseftirlit Austurlands út starfsleyfi fyrir Köldukvíslarveitu. Kl. 16.00, í dag, verður slökkt á borholudælum á Egilsstaðanesi sem þjónað hafa Egilsstöðum í liðlega 40 ár. Á sama tíma mun Köldukvíslarveita verða ræst og er áætlað að þessi veita muni þjóna þéttbýliskjörnum Egilsstaða og Fellabæjar um ókomin ár.

Til hamingju með nýja vatnið - gleðilega hátíð og farsælt komandi ár.

Starfsfólk HEF

Heilræði

Óstillt hitakerfi veldur hækkun á hitakostnaði.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Æskilegur bakrásarhiti að vetrarlagi er ekki hærri en 30-35°C.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Hávaði í ofnlokum stafar af óstilltu hitakerfi.

Breyta þarf stillingum vatnshitastýrðra ofnloka eftir því sem útihiti breytist.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Æskilegur bakrásarhiti að sumarlagi er ekki hærri en 22-25°C.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Látið fagmann um að stilla ofnakerfið.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Það er eðlilegt að lofta út í 10-15 mín. eftir böð, eldamennsku og á morgnana.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Nauðsynlegt er að íbúar geti stjórnað innihita eftir óskum um kjörhita.

Ef hitakerfi er jafnvægisstillt veitir það þægindi og vellíðan.

Forðast skal að loka af hitanema með húsgögnum eða gluggatjöldum.

Það er eðlilegt að ofnar séu kaldir ef mikill ókeypis varmi er í herberginu.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.