Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Vatn frá Köldukvíslarvirkjun komið í Fellabæ

Föstudagskvöldið 15. janúar var vatni hleypt á nýja 800 metra 160mm lögn sem liggur frá Egilsstöðum að borholum á Egilsstaðanesinu. Þessi nýja lögn var dregin í asbestlögn 200mm sem hefur þjónað Egilsstöðum sem stofnlögn í meira enn 40 ár. Með þessari aðgerð eru þéttbýliskjarnarnir báðir komnir á vatnsveitu frá Köldukvísl á Eyvindarárdal, hitastig vatnsins er um 3°C en var áður um 6,5°C. Þá hækkaði þrýstingur í Fellabæ um 0,5 bör.

Starfsfólk HEF óskar Fellbæingum til hamingju með kaldavatnið.

Heilræði

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Nauðsynlegt er að íbúar geti stjórnað innihita eftir óskum um kjörhita.

Ef hitakerfi er jafnvægisstillt veitir það þægindi og vellíðan.

Æskilegur bakrásarhiti að sumarlagi er ekki hærri en 22-25°C.

Það er eðlilegt að ofnar séu kaldir ef mikill ókeypis varmi er í herberginu.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Hávaði í ofnlokum stafar af óstilltu hitakerfi.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Það er eðlilegt að lofta út í 10-15 mín. eftir böð, eldamennsku og á morgnana.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Breyta þarf stillingum vatnshitastýrðra ofnloka eftir því sem útihiti breytist.

Óstillt hitakerfi veldur hækkun á hitakostnaði.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Æskilegur bakrásarhiti að vetrarlagi er ekki hærri en 30-35°C.

Látið fagmann um að stilla ofnakerfið.

Forðast skal að loka af hitanema með húsgögnum eða gluggatjöldum.