Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Ný borhola tekin í notkun við Köldukvísl

Í dag var tekin í notkun þriðja borholan á virkjanasvæðinu við Köldukvísl. Borholan er 34 m djúp með 14" stálfóðringu niður á 22 m dýpi. Holan gefur um 25 l/sek af 4,2°C heitu vatni. Vatnsgæfni alls virkjanasvæðisins við Köldukvísl er því orðið um 65 l/sek.

Heilræði

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Æskilegur bakrásarhiti að vetrarlagi er ekki hærri en 30-35°C.

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Látið fagmann um að stilla ofnakerfið.

Óstillt hitakerfi veldur hækkun á hitakostnaði.

Æskilegur bakrásarhiti að sumarlagi er ekki hærri en 22-25°C.

Það er eðlilegt að lofta út í 10-15 mín. eftir böð, eldamennsku og á morgnana.

Nauðsynlegt er að íbúar geti stjórnað innihita eftir óskum um kjörhita.

Ef hitakerfi er jafnvægisstillt veitir það þægindi og vellíðan.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Forðast skal að loka af hitanema með húsgögnum eða gluggatjöldum.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Breyta þarf stillingum vatnshitastýrðra ofnloka eftir því sem útihiti breytist.

Hávaði í ofnlokum stafar af óstilltu hitakerfi.

Það er eðlilegt að ofnar séu kaldir ef mikill ókeypis varmi er í herberginu.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.