Hitaveita Egilsstaða og Fella

Einhleypingi 1, 700 Egilsstaðir - hef@hef.is - 4 700 780 - kt. 470605-1110

bilanasimi

loftgaedi

Viðgerð vatnsleka

Migarur 90 lgnVel hefur gengið hjá HEF. að finna leka á dreifikerfi okkar. Nú síðast fannst sá stærsti í Ártröð núna á þriðjudag í þessari viku sem var uppá ca 8. sekúntulítra. Áður hafði fundist leki í baklóð Arion banka og í brekku við Miðgarð 6. Alls telst til að tekist hafi að koma í veg fyrir 13 - 14 ltr/sek leka á dreifikerfinu með þessum aðgerðum.

 

Íbúar á Fljótsdalshéraði eru hvattir til að hafa samband við HEF verði þeir varir við óeðlilegt vatn í nágrenni sínu.

 

Á meðfylgjandi mynd má sjá skemmd á 90 mm lögn í Miðgarði sem gert var við fyrr í Ágúst mánuði.

Heilræði

Það er eðlilegt að ofnar séu kaldir ef mikill ókeypis varmi er í herberginu.

Útloftun er nauðsynleg, síloftun er sóun.  Hagkvæmast er að lofta vel út í skamman tíma.  Hálfopnir gluggar allan sólarhringinn stuðla að óþarfa loftskiptum sem verður að mæta með aukinni hitun. Það er gott að hafa örlitla rifu á svefnhergisglugga, en þá þarf að tryggja að ofn hitni ekki að

...

Stjórnun herbergishita með svalahurð og gluggum er sóun.  Ofnlokar eiga að viðhalda jöfnum og þægilegum hita í herberginu.

Á vatnshitastýrðum ofnlokum þarf að lækka stillingu handvirkt, ekki stjórna hita með svalahurð.

Hávaði í ofnlokum stafar af óstilltu hitakerfi.

Ef handvirkir ofnlokar eru á hitakerfinu borgar sig að endurnýja þá og setja nýja lofthitastýrða ofnloka.

Forðast skal að loka af hitanema með húsgögnum eða gluggatjöldum.

Æskilegur bakrásarhiti að vetrarlagi er ekki hærri en 30-35°C.

Ef hitakerfi er ekki jafnvægisstillt veldur það auknum sveiflum á herbergishita og ónákvæmni í hitastýringu.

Breyta þarf stillingum vatnshitastýrðra ofnloka eftir því sem útihiti breytist.

Óstillt hitakerfi veldur hækkun á hitakostnaði.

Grunnurinn að því að hitakerfi uppfylli þau tvö megin hlutverk sín, að skapa þægilegan innihita og halda kostnaði í lagmarki er að það sé jafnvægisstillt.

Stórir sólbekkir, þétt upp að ofni, draga úr því að varmi dreifist um herbergi og geta valdið því að lofthitastýrður ofnloki loki fyrir innrennsli til ofns.

Lofthitastýrðir ofnlokar draga sjálfkrafa úr rennsli til ofna ef herbergishiti hækkar vegna ókeypis varma.

Það er eðlilegt að lofta út í 10-15 mín. eftir böð, eldamennsku og á morgnana.

Nauðsynlegt er að íbúar geti stjórnað innihita eftir óskum um kjörhita.

Látið fagmann um að stilla ofnakerfið.

Ef hitakerfi er jafnvægisstillt veitir það þægindi og vellíðan.

Gluggatjöld hindra loftstreymi frá ofnum og geta "gabbað" lofthitastýrðan ofnloka til að loka fyrir hitun áður en herbergishiti er nægur.

Æskilegur bakrásarhiti að sumarlagi er ekki hærri en 22-25°C.