Nýr framkvæmdastjóri Hitaveitu Egilsstaða og Fella

Aðalsteinn Þórhallsson hefur verið ráðinn framkvæmdastjóri HEF og mun taka til starfa frá og með 1. október nk. HEF er sjálfstætt fyrirtæki í fullri eigu Fljótsdalshéraðs og auk hitaveitu, rekur HEF vatnsveitu- og fráveitukerfi Fljótsdalshéraðs. Þá hefur HEF nýlega tekið að sér að sjá um lagninu ljósleiðara á Fljótsdalshéraði.

Aðalsteinn er byggingartæknifræðingur að mennt og lauk námi frá Háskólanum í Reykjavík árið 1992. Hann hefur frá árinu 1996 starfað hjá Mannviti þar sem hann hefur m.a. sinnt ýmis konar ráðgjöf á sviði verkefnastjórnunar og framkvæmdaeftirlits. Þá starfaði Aðalsteinn sem tæknifræðingur hjá Ármannsfelli og Verkfræðistofu Stanleys Pálssonar. Aðalsteinn er búsettur á Fljótsdalshéraði.

Sem fyrr segir rekur HEF hitaveitu, vatnsveitu- og fráveitukerfi Fljótsdalshéraðs. Þá tók fyrirtækið nýverið að sér að halda utan um lagningu ljósleiðara í sveitarfélaginu en gert er ráð fyrir að það verkefni taki þrjú ár. Þá stendur fyrir dyrum hjá HEF bygging nýs fráveituvirkis með nýrri útrás sem er gríðarlega umfangsmikið og mikilvægt verkefni. Aðalsteinn tekur því við krefjandi verkefnum úr höndum forvera síns í starfi, Páls Breiðfjörðs Pálssonar sem þökkuð eru sín störf í þágu HEF.

Nánari upplýsingar veitir Gunnar Jónsson (This email address is being protected from spambots. You need JavaScript enabled to view it.), formaður stjórnar HEF í síma 8602880.

Heitavatnslaust 10. júlí 2019

Vegna bilunar verður lokað fyrir heitt vatn í dag frá kl. 12 og fram eftir degi í eftirtöldum götum:

• Fagradalsbraut 13,
• Miðási,
• Lyngási,
• Tjarnarási,
• Reykás,
• Bjarkarhlíð,
• Hjarðarhlíð,
• Hamrahlíð,
• Steinahlíð.

Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar vatnið kemst á að nýju.

Starfsfólk HEF biðst velvirðingar á óþægindum vegna þessa.