Fréttir

Við reglubundið eftirlit með neysluvatni kom í ljós að neysluvatnið á Borgarfirði eystra er örverumengað. Um er að ræða saurgerla og E. coli, sem gefur til kynna að vatnið er mengað af saur frá mönnum eða blóðheitum dýrum. Nauðsynlegt er að sjóða vatn til neyslu. Óhætt er að nota vatnið til annarra þarfa s.s. til baða, þvotta og matargerðar s.s. til skolunar á matvælum, sem munu síðar vera elduð.

Áætlað er að sambandslaust verði við ljósleiðara á Efri Jökuldal 3. september frá kl. 10:00. Þá er viðbúið að sambandslaust verði á öllum tengingum, þmt. farsímasendi á Háurð. Áætlað er að vinnan taki um tvær klukkustundir.

Ekki naðusynlegt að sjóða drykkjarvatn. Vart hefur orðið við óhreynindi í vatnsbólinu á Hallormsstað. Starfsmenn HEF veitna eru að kanna aðstæður og ákveða næstu skref.

Vinna við hreinsun rotþróa í Fellum er hafin og gera má ráð fyrir því að hún standi út næstu viku (12-16. ágúst). Regluleg hreinsun fer fram þriðja hvert ár og er þjónustan innifalin í rotþróargjöldum sem byggja á fráveitusamþykkt Múlaþings.

Vegna bilunar á vatnslögn verða truflanir á afhendingu á köldu vatni í innri hluta Laugavalla. Unnið er að viðgerð en ekki er vitað hversu langan tíma hún tekur.